俾面??

寵物店o黎o左個神奇客人。話說呢位女士好鍾意我o地阿炭炭﹐佢同埋老公一齊o黎﹐叫我o地將身價$5500 o既炭炭平D賣比佢﹐講講o下重話可以加多$3000大元﹐"免為其難"要埋"匙更女"。老實講﹐$8500 蚊真係無乜得賺﹐但係見佢肯要o西兩兄妹﹐唔係佢o地分開﹐"林"住 $8800 益街坊,仲包o左一貓一支Vaccine﹐點知佢不但只唔制﹐仲勁"踩" "匙更女"﹐話$8000 都比多我o地﹐又話CWB 有一樣o既貓﹐only @$4000。。。。。。真係是可忍熟不可忍!!!我o地梗係企硬$8800 啦﹐咪同佢講話唔好意思﹐$8800已經係我o地bottomline, 叫佢考慮o下。就o係呢個時候,佢o既EQ 全面崩潰。。。。。bilibala係o甘嘈﹐話我o地唔肯平﹐唔係做街坊生意。。。。大佬呀﹐我都要同breeder 交代o架....o甘賤賣人o地D 貓﹐以後都唔交比我o地賣呀..後來我Boss 竟然舉腳贊成賣比佢﹐so 我o地唯有死死o地氣call 果兩公婆。。。話比佢知大老闆肯平比佢。。。turn out 佢都無show up...直至前幾日﹐"匙更女"以$5200 賣o左比一個好鍾意佢o既客人﹐之後﹐果兩夫婦又浦頭啦。。。仲夠膽叫我o地$3500 賣炭炭比佢。。。仲話"匙更女"賣o左$5200, 我o地可以$3500賣炭炭比佢啦.........都癲o架。。。話明兩隻一齊買至平比佢﹐依家人o地買左一只﹐佢走o黎"汁"雞。。。有無o甘厚面皮呀????我o地睬佢都生臭狐la....跟住又走o黎。。。話好希望我o地快D賣左炭炭﹐等佢唔洗心掛掛。。。ok,呢句都算人話﹐點知正常唔夠兩秒鐘﹐又發癲。。。。。。。 話要買砂盤﹐問幾錢﹐我o地咪話 $68 囉。。。因為新張八五折做完啦嘛...跟住佢又話。。。 之前個哥哥仔(my partner)明明話$5X,點解貴o左。。。。。。%$^$#@$% 心"林":都話discount做完咯。。。。。識唔識聽廣東話架!!!!!!佢又嘈。。。。。。o甘我partner 為免佢再煩﹐比個九折佢息事寧人啦。。。。。。。。。。o丫。。。。。果條八婆o丫------sorry... 我真係忍屎忍尿好過忍佢......話佢突燈渣車o黎買砂盤, 狗展$40佢都唔買﹐返o黎幫我o地買﹐o甘都唔平比佢﹐唔俾面佢wor.....超﹗佢幫襯果一大次同我講俾面???我D member 都無話要我俾面呀!!!!!我夠突燈搭車去買六合彩N次啦﹐又唔見Jockey Club 俾面我等我中返次!!!!都額外俾九折佢啦。。。。。都唔知想點。。。真係提起都火滾!!!!
我非常﹐十分﹐very 想影佢相再加句"立入禁止",貼o係舖頭門口!!!

中獎呀

話說我同boss o係Vancouver 好無聊o甘買o左張649(等同六合彩之類o既博彩遊戲),因為jet lag 關係﹐ 晨早彈起﹐咪順便"體"o下做左百萬富翁未囉。點知真係中鬼左四個字。。。。。。獎金係----8%of the pool....個Jackpot係 4 M...仲係加幣。。。計計條數﹐三一得三﹐三三得個九﹐咪三十幾萬加幣?O甘咪成2 M 港幣。。。。。。。。。。哇...唔係呀。。。。。。。。緊係poke 上網"體"下係咪一注獨得啦。。。。。。。。。。。。我完全明白好o野需要同人分享﹐但係。。。。。同八千幾個人分享。。。係咪多左少少呢???結果彩金由高位直插谷底﹐得返$45.4 加幣。。。。。。well, 總算係個LUCK o丫--------

我唔了解你。。。。

已經有萬七個朋友唔同程度o甘同我表達過呢樣o野。。。。唉!!應該點講呢。。。查實呢方面我都處理得好Fair...由識我二十X年到一年唔到o既人﹐都係o甘complain o架。。。如果話我表達能力差﹐又好似唔係。。。講衰o野方面真係生動傳神﹐深入淺出!
我自知係一個幾唔錯o既吐苦水對像﹐因為有feedback 比人丫嘛﹐但係叫我講自己o野咩。。。o甘多年人﹐成匹布o甘長。。。就算剪﹐都唔知剪邊段講。。。有好多時又覺得自己manage 到﹐唔想麻煩人。。。
nevermind ,反正人會變o架嘛﹐變完又要了解過咪重煩﹐不如從來無了解過﹐重無o甘沉重啦。。。

Long Vacation 之終結---------唔見o左條腰。。。

雖然講出o黎有o的折墮﹐但係我到o左Vancouver 之後﹐真係未餓過﹐日日都好似填鴨o甘填﹐剛剛至去完一個好有風味o既 pool side brunch。。。見 d auntie們 夾手夾腳﹐快過閃電o甘就prepare 好一台美食。。。唉...大家好快就會見到我以漲爆o既姿態重現香江o架喇......
如果話食係一種藝術﹐我呢個Long Vacation 就可以話係o係極之artistic o既氣氛之下﹐完滿結束喇。

Long Vacation X-------遇上達文西

我同波士特登o黎到Amboise,除o左為o左Chambord,仲係因為想"體"o下一代天才達文西最後三年o既住所。

傳說為o左 方便佢監督 Chateau Amboise o既工程﹐Francois I 特別o係阿文西屋企同城堡之間起o左條秘道----佢0地真係名付其實--有路!!!我呢o的衰人開又開始估。。。。果條雙鏍旋樓梯﹐話就話方便阿Francios I 偷食。。o甘到底係食乜呢???會唔會係斷背呢??
唉哎﹐我都係唔好以小人之心踱天才之福。。。能夠係生命中最後三年生活係一個o甘漂亮o既小城﹐佢成世人應該無乜做過陰"側"事囉。。 我估。。。。。

Long VacationIX--------六個女人的城堡Chenonceau

另一座座落於Loire Valley﹐建於河上 o既城堡﹐因為一直都係女士(當中包括幾位皇后)居住﹐陳設十分女性化。特別一提 Henry III o既皇后----Louise 住過o既房間。呢位長年以素服示人o既"白雪皇后",o係丈夫過世後﹐命人將房間油成一遍漆黑﹐在此祈禱﹐哀悼死去的丈夫﹐在哀傷中渡過餘下的十一年生命。

Long Vacation VIII-------男人心事--Chambord

終於到o左我最期待o既Château tour 啦。。。之前所做o既功課真係大派用場 !!!人通常都會對某d o野有情意結。。。有人鍾意高掙鞋﹐有人鍾意絲襪﹐甚至有人鍾意著過o既底橫。。。。而我就正常少少﹐鍾意城堡。。。所以當波士叫我plan o下點過生日﹐我二話不說就自把自為編o左個 Château 遊。其實我從未去過真正o既 château ﹐ (個人認為中國果D唔算﹐因為我細細個就覺得城堡應該係好高同有護城河o既﹐最好有埋幾條鱷魚o添)Loire Valley有成二百幾個château , 我只簡o左其中幾個有代表性o既 :Chambord :係Loire Valley最大﹐最雄偉o既城堡。通常大o既o野都份外吸引人。就好似當年呀 ‘芷薇’ 一出﹐真係‘巨’ 驚四坐 !!!當年阿 Francois I(讀 ‘犯事娃’) 為o左方便打獵----well﹐到底係獵獸定獵艷呢﹐真係佢至知喇。---就大興土木﹐起o左呢座有441間房o 既巨無霸喇。最特別o既﹐要算係呢條傳說由 Leonardo da Vinci設計o既雙鏍旋樓梯。身為皇帝﹐妃嬪梗係數之不盡啦﹐一個唔該o係宮中相遇﹐口角繼而動武就唔係o甘好啦。呢條雙鏍旋樓梯簡單o黎講就係將兩條獨立o既鏍旋樓梯放埋一齊﹐之間只有小窗口互通。即係兩個人即使同時從樓梯上落﹐極其量只會從小窗口望見對方﹐但就唔會真正碰到。For example, 阿Francois I同阿二想上樓鬼渾時﹐可以叫d 奴才從小窗口 ‘裝’ 下阿大婆係咪剛剛經過﹐make sure all zone clear至上樓﹐唔洗比大婆見到斷正。。。。唉 ! 男人o既心意﹐真係男人最清楚。達文西o甘醒﹐難怪阿Francois I o甘 like 佢啦。呢條雙鏍旋樓梯﹐o係某D 男人o黎講﹐可能仲經典過 « 蒙羅麗莎的微笑 » o添呀 !!!

Long Vacation VII---------冬季奧運Torino

WOrld Cup 大家一定記得﹐但之前低調好多o既Torino 2006 冬季奧運又有無印象呢?男士們﹐FIAT 車廠就係o係呢度啦。。。。 不過舊有大型廠房已改為 Le Meridien Hotel,同大型shopping mall...只係留翻天台o既conference roon 同racing track...
果個bubble 形o既就係coference room, 旁邊係直升機場。。。無錯﹐人家d CEO o係坐helicopter o既。。。我呢D 普通人呢。。。電梯囉。。。 好在都未至要"young"樓梯。
朋友家廉話﹐耶蘇o既裹屍布就係收藏o係相裡面o既教堂﹐可惜我o地miss o左opening hours,無緣親睹奇跡。。。
更可惜o既就係因時間關係﹐我o地去唔到附近間大outlet ar.. 各位姊妹﹐有機會o黎Torino,記住去Le Meridien 問0下outlet 點去啦﹐有平好多o既Gucci wor...聽講。。。

Long Vacation VI----進軍意大利

波士做o左幾日o野﹐梗係要relax o下啦!本來想去法國o既 St Marie de La Mer(讀:聖嘛he the那咩,慢慢讀﹐唔係就好似爆粗o架喇),但係八月正直Europe o既渡假時節﹐一定Jam 到傻﹐所以最後就決定﹐跳上我o地租翻o黎o既烈火戰車﹐轉戰意大利。
第一目的地o係 Portofino,一個有點威尼斯風情的小海灣﹐泊滿大大小小o既遊艇。聽講話一晚hotel 要成千euro,即係又係"掠"遊客勝地!!!我o地呢d 精明消費者梗係唔會中計啦﹐食餐飯仔咪算囉。。。旁邊o既 Santa Margarita 雖然無o甘高檔,但係D hotel 價錢resonable 好多。
我地o係 Portofino 一間幾靚o既餐廳食o左餐幾麻麻o既飯﹐都係果句啦﹐西餐---食氣氛多於一切!!!
第二日﹐我o地就直奔Torino 喇

Long Vacation V-------賭錢=倒錢!!

Monte Carlo 貴為賭城﹐當然要去窺探o下賭場風光啦。
唔"體"尤自可﹐一"體"﹐我絕對有理由相信呢道擺o左個勁爆風水局!!!
1) 齋"體"外邊building 頂幾個銅像﹐青過青蟹。。。 未賭就青o西, 一弊!
2) 要比入場費﹐位位 10 euro,未見官先打八十﹐仲要交低相機﹐慌死你偷影佢最高機密﹐但入面就大把攝錄機影住你!!周身唔聚財﹐好弊!
3) 入口前一個一比一裸女石像﹐好倒唔倒﹐走去"倒錢"﹐即係入親o黎都"倒"o西 D錢啦﹐勁弊!
4) 話就話同場展出唔同o既賭具﹐我就話係展出唔同o既裸女畫像。。。。。邪住你班水魚﹐非常弊!
5)臨走前﹐梗係去cloakroom﹐欏翻我部相機啦﹐點知個阿姐拎住我部相機指指檯面個牌﹐你以為寫"多謝光臨"呀?錯o西啦!!!係。。。。。。。"tipping are welcomed"!!!!@#&%*$%#@又係你逼我放底個相機o既﹐依家問我收tipping???你比翻Deposit 我就差唔多!!!不過﹐為o左D寶貝相﹐我結果都豪o左兩個euro比佢。。。。唉....開乜賭0丫﹐開cloakroom打劫把啦.....

Long Vacation IV-----衝上雲霄Cannes

做crew o甘耐﹐大大話話都 take-off 過成千次﹐但真真正正坐o係Captain 個位起飛﹐呢次係第一次。今次有幸升空﹐完全係多謝波士o既朋友幫手。原本小妹身痕想去望o下" Iron Mask 被禁固多年o既The Lerins Isles小島(大家仲記得由Leonardo Di Carpio主演o既"鐵面王子"嗎?)﹐準備搭一個多小時火車到康城﹐再轉船過去。點知波士既朋友一聽到﹐就提意我o地飛過去﹐turn out 仲變成我同波士一人take off 一次o添!
臨 take-off 之前﹐波士用兩隻手好大力o甘拍拍我膊頭話:"我條命﹐就交比你啦!!!"佢d血色亦慢慢跟住呢句說話溜走。。。。
由於風速頗高o既關係﹐飛機不斷左遙右擺﹐我仲私人醒o左下0.1秒內急降再急升比波士嘆﹐肯定佢爽過爽身粉!!!
到波士take control﹐我一D都無擔心過!!!一來﹐我對波士有信心﹐二來﹐我自己in control 都無死到,仲有乜野好驚呢!!!
最可惜o既就係﹐難得有o甘正o既高抄角度﹐我竟然 zoom 極都影唔到D裸o西 or 裸泳中既法國妹。。。。呢鋪點同班江東父老交待呢??

Long Vacation III-----奢華的國度Monte Carlo

Monaco 係一個被法國三邊包圍o既小國﹐對正男人公敵----地中海。
呢度無o野多﹐係有錢人, 靚車﹐遊艇同低胸肉彈最多。
有錢人多﹐係因為外國人(besides French)係度買屋住做resident 係唔洗交 salary tax同 Income Tax o既。所以吸引唔少有錢人o黎。
至於遊艇﹐同靚車﹐咪就係呢班有錢人既副產品之嘛。
你可能會話﹐遊艇香港都有啦﹐成個遊艇會o係銅鑼灣o添。o甘幾隻離島快船o甘大既遊艇同時係海度浦下浦下o既情景又係咪o甘常見呢?
o係香港好日唔見o既Bentley,你度周街都係﹐唔同color o既Lambo泊埋一齊既壯觀場面 全日放送,仲有瑪莎拉蒂。。。務求"體"到你反肚為止。第一日我"嘩"o左十秒,第二日七秒﹐到o左今日第五日﹐我o既反應係----無反應。。。反而見到架錢七仲有少少發現新大陸o既感覺o添。。。。。死未!!!
至于肉彈。。。唔講﹐我仲以為"體"緊NBA...學呀TWINS 首歌o甘話"籃球在滿天飛..."我就o係呢個 船來船往﹐車來車去﹐"碧"波蕩漾 o既地方開始我o地o既旅程啦。

Long Vacation II----尼斯=離譜??

估唔到會o係飛機度見到法國隊個"查斯古特",差D忍唔住衝過去------一腳伸佢落機﹐就好似佢o地伸o左巴西出局o甘樣。。。 不過米字航空D crew個個都好似三角碼頭跳槽過o黎o甘 ,都係唔好衝動。。。

唔覺唔覺o甘就到o左尼斯。。。點知又見到阿"查斯古特"攬住個model o甘o既鬼婆。。。。終於明白點解法國隊會輸。。。。。。中國隊想贏﹐禁色﹐係一個好方法。。。又或者大量對外輸出北方佳麗﹐亦可行之。。。。
由于我o地o既目的地係Monaco﹐所以要再搭一程巴士。schedule 12:00 有車﹐點知等到12:30 都無影﹐條頸長o左兩吋到﹐先見到有架埋站﹐以為有得上車啦﹐點之個司機同一位相信係員工o既女士上車吹o左一輪水至施施然落車開行理倉度門﹐我o地滿以為走得﹐點之佢bilibala 講o左一輪法文﹐係都唔比大家上車﹐好在遇到一位非常友善 o既 同路意法混血女士Caroline﹐義務做翻譯。原來佢話路上有意外﹐o的schedule 搞亂o左﹐呢班車淨係去Menton...﹐但係Caroline 話去Menton 必定經過Monaco,點解唔車埋我o地?重有單accident o係朝早06:xx發生﹐因乜解究到中午12:00都未搞"惦"???請問班友仔係咪路呢???個司機好似當時運高聽唔到o甘就楂住架吉車絕塵而去喇。。。結果我o地就由12:00 等到13:00至上到車。。。不過黑唔西,臨上車﹐嚇然發現 買飛果個人比o左"student"飛我o地﹐夾埋平o左8個 euro。。。唔通"波士"真係保養得o甘好???

Long Vacation I----我的鯨魚"波士"

七月三十日﹐我同"波士"正式開始我地o既十萬八千里西歐長征。。。漫長o既路途﹐當然需要充足體力啦﹐為o左o甘﹐我"波士"就o係魚翅航空個lounge 度真人示範o左點樣一個人鯨吞六碗擔擔面﹐除o左 O嘴﹐我已經做唔到其他反應喇。。。
"波士"同我﹐陀住漲卜卜o既肚腩 "look"入米字航空o既機艙。
十二個多小時候﹐終於到達第一中轉站---倫敦 。。。Transit 三個小時後﹐再轉飛往第二中轉站---尼斯

軟硬軟硬我o地支持你

"
想知道果個人係咪二到尾﹐什至三字頭?好簡單﹐講三個terms﹐佢就會鬼拍後尾枕o甘爆響口o架喇。好似玩對聯o甘 :
1)你出上對"大雄"----佢就會對"叮噹"
2)你講"劉錫明"----佢會答"毒瘤明"
3)講軟硬----就會彈句"電話整蠱"
果一聲"喂",曾經陪我度過無數笑爆嘴o既晚上﹐十幾年後終於可以重溫舊夢!!首先一定要多謝"麗莎" 同J小姐傾力撲飛﹐先至有個正位。成晚氣氛熱爆﹐手電瑩火更是一絕(雖然係偷光良橋),除o左舊歌﹐特別喜歡阿JAN o既 solo 同ending 首"encore"

好耐未"體"過o甘正o既concert!!!雖然有人覺得軟硬好無聊﹐但係要無聊得o甘有point, 唔係人人得o架﹐好似果D"快慢必"," I Love U Boyz",真係。。。。唔該o西。。。