理想與現實
話說各方好友知道小女子生左B 之後﹐都紛紛sms祝賀。大家都好有興趣知道我經歷左幾耐陣痛至生出小波士。有體開呢個blog o既朋友都知道﹐我係企硬自己生o既﹐但係結果我同十級痛無緣﹐由十點幾開始有規律宮縮﹐跟住小痛到三點幾﹐正當我"林"住今晚體怕都無得訓時。。。。。。有時有的野﹐真係唔係呢話想點就點。39週6日大o既小波士過然係老頂﹐之前大波士話要開刀要擇日﹐通通比我ban o西﹐但係小波士竟然出到苦肉計。。。。"嬰兒受困---常見o既有臍帶纏頸"-----三點幾開始﹐每當我宮縮之後﹐BBo既心跳就明顯減慢﹐護士見世色唔對﹐就即刻call 醫生﹐Dr So 亦都真係9秒9 就到左(我懷疑佢就住隔離座大廈。。。)佢體完的report,就同我解釋情況。。。結果﹐就o係小波士話事o既情形下緊急開刀。。。。做左半身麻醉後﹐我下半身(其實係由心口開始)真係乜鬼知覺都無。。。。當我仲同波士玩緊扮八爪魚時。。。麻醉師同我講個肚已經開左。。。真係講都唔信﹐因為我連有人"惦"我個肚o既感覺都無!!!
成個過程﹐波士一路叫我"唔洗驚,唔洗驚﹐我會陪住你﹐無事o既".我好感激波士比我o既支持﹐但係。。。。我真係唔覺得驚wor....可能我面色蒼白的﹐波士以為我嚇到青o西掛。。。anyway,有驚無險下﹐7磅11o既小波士就呱呱墮地啦!!!最奇怪o既係﹐醫生話並無臍帶纏頸情況﹐o甘到底係乜事呢??唔通係小波士扮o既??
posted by vi @ 10:59
5 comments
