Table For Three

琴日同兩個好朋友慶祝生日,actually 一個係補祝,一個係預祝.
感覺好得意..O 小姐o係兩個幾月前誕下第二名女兒,而E 小姐亦都會o係八月份做媽咪,我o地兩個現成大肚婆加一個過氣大肚婆嘻嘻哈哈o甘過左一晚.
無辦法相信,當年橫行無忌,連男同學都怕左我地o既小霸王,竟然放下屠刀... 哈哈哈!!!
以前一到lunch time 就去寮仔食雞扒麵(注意:寮仔係全校人對果間小買店o既稱呼,同"撩仔"係兩回事),放學去麥噹噹,跟住去維園玩打鞦韆!!o甘o既生活,真係乎復何求???所以我幾時都話,讀書好過做o野多多聲!!!!唔好以為我o地o甘玩法實讀屎片....我o地餐餐交齊功課,考試都係頭十名o架..都唔失禮o丫....
周星星有個化學老師,我地一樣有個數學老師....我地呢位陳sir 都可以話係我讀書o甘多年,最經典o既一位...話說每一年我地都有班制旅行,高年班(F.4 以上)可以自選目的地,我地就簡左貝澳,班衰仔二話不說就拎副poker牌出o黎賭...英明o既陳sir即刻就發現左,但係,唔知點解,陳sir 不單只說服唔到佢地唔賭,仲比班衰仔反說服到佢落注o添..可憐陳sir o係矇查查o既情況之下,就跳左入天先局,輸錢事小,仲要比隔離班o既肥馬sir 發現佢同學生o係公眾場所聚賭,返學校告御狀....呢的咪叫賠了夫人又折兵囉