失貓記

話說十五號果日同奶奶o係銅鑼灣搞緊D請工人o野﹐忽然接到娘親電話,話我隻肥花貓--花花唔見o左。當時我仲非常冷靜﹐話我做完o野就過去。娘親話搵o左個幾鐘都搵唔到﹐唔知係咪出去到垃圾過陣比隻八卦仔"了"o左出去。。。後來奶奶約o左人走先﹐我做完o野咪雞o甘腳走囉﹐越"林"越擔心。。死啦﹐隻肥仔自出娘胎有貓媽餵﹐到個半月就有我用奶樽餵﹐依家成十二歲﹐識鬼自己搵食咩﹐又痴人﹐遇到的變態貓殺手實死硬(娘親過頭確實有流浪貓被殘殺﹐係的義工話我知o既)!越o黎越驚﹐眼淚都必埋出o黎。。。o甘arm 波士打比我﹐聽到我流o西馬尿﹐就話要o黎接我去搵貓。但係我已經心急如焚啦﹐仲等???我話我唔等喇﹐我飛的過去喇。又無新屋鎖匙wor,又要call 娘親﹐原來娘親去o左銀行﹐我咪仆去銀行欏鎖匙再飛去新屋囉﹐果陣波士都到o左lu...我o地一齊入大廈等lift...波士係o甘叫我冷靜d﹐冷靜d....但係我乜都聽唔入耳喇﹐兩架衰lift 仲要齊齊上o左頂樓。。。。。我谷鬼氣就行樓梯上(五樓o者),嚇死波士﹐佢想拉住我唔比我行樓梯﹐點知我好似上o左身o甘﹐佢捉都捉我唔住。。。。。上到去又開唔到門﹐原來我地上少左一層。最後終於入到屋﹐淨係見隻白貓細細o係度。。。o甘肥花呢???我四圍搵﹐五分鐘後﹐波士就聽到"啪啪聲"同埋我o既叫罵聲。。。原來隻死肥仔打o西貓餅訓o左o係我老豆個被竇裡面。。。無啦啦比我的起狂打pat pat,淨係識得眼眨眨。。。好鬼無辜o甘...衰仔﹐嚇死我喇!!!波士仲要講風涼話﹐話如果呢隻傻貓都識走佬就無o野唔識走佬lu.....&^%$#^&^#W@E$%