R u ready?

見紅啦!見紅啦!唔知係乜?okok,橫惦我未穿水又未陣痛﹐又吹下水啦.通常生BB前會有三種先兆。分別係見紅﹐穿水同有節奏陣痛。佢地無特定次序﹐亦唔一定三樣都會出現。
見紅其實就係流出少量帶血黏液(唔講點o黎啦﹐唔係真係好似上Biology, 想知至問我啦);穿水﹐就係指羊膜穿破﹐流出羊水﹔陣痛﹐其實就係一陣又一陣因子宮收縮所帶來o既痛楚,通常會越通越密﹐痛o既幅度亦會越來越大。

有的人話生仔係十級痛﹐但我娘親話佢一的都唔痛﹐淨係好似好急開大o甘。唔知我有無得到的o甘正o既遺傳呢??生完你o地知啦!

等到傻

阿BB,你o甘耐都唔肯出黎﹐我開始懷疑我個肚入面係背山面海o既六星級豪宅-----倚巒。。。。。你淨係o係入面踢踢踢都唔係辦法o架wor....出黎啦﹐出黎啦﹐屋企唔失禮o架﹐則則地都有煙花"體"o架。。。。乖啦。。。