朋友的故事

想係度同大家分享o下朋友J o既"職場現形記"
話說我呢個朋友仔外表斯斯文文仲有d楚楚可憐o添,(留意:係外表only)唔之點解﹐o係佢o既OL 生涯裡面,總係有好多奇人怪事.....自大狂妄想症老闆﹐更年期荷爾蒙失調女上司,求愛不遂變臉師叔。。。。另外再加standard o既小圈子八卦是非精同事.....都不過係碎料......呢期榜首係一個以為自己係黃敏德o既王晶類中炕阿叔。。。我絕對無歧視阿叔﹐但我就好怕d自以為好型o既阿叔﹐咪當自己四哥至得o架!!!!
呢位Uncle 同阿J係舊同事,雖然唔太熟,但就一直好欣賞阿J對舊老細細心又認真,羨慕到爆廠......後來因為舊老細要調職,阿J 就離開o左舊公司,而中炕亦都轉o左會....輾轉之下,中炕引薦o左阿J入自己打更工o既公司.....仲開到口話希望阿J做佢Assistant.但係阿J跟本就唔想再做Assistant 呢類工作,咪 apply 公司另一個post lor...但係中炕牙力驚人...完全體現乜野叫咬住唔放....自己有秘書唔用,成日老點阿J做私人o野,又幫佢買禮物,買完又借D依送比阿J﹐不特止,仲話如果阿J唔好意思,可以送反樣o野比佢!!!o甘樣逼人交換禮物都得....送?送佢一程就差唔多!!!當然仲有果的例牌乜鬼"同老婆無感情"之類廢話啦......晨早留留走去阿J新界屋企樓下call 人食早餐....鬼唔知佢想留反個大髀位過阿J坐咩....可憐阿J,明知遇著高層淫魔,又外於中炕引薦有恩,加上對方位高權重.....為左飯碗....想做絕D都唔得!!!!真係仲慘過厲鬼纏身!!!
我o地D塘邊鶴都一至認為,除非阿J肯肉償,如果唔係﹐點鵪鶉都好難有運行,人家大石扎死蟹....day day 追魂call。。。想唔精神分裂都難....
依家Uncle仲因為阿J不識抬舉,開始現形發難渣。。。。變臉速度之快,令人O 嘴!!!
唉!!!麻煩Uncle難頂,麻煩Uncle扮情聖....直頭係UN-頂!!!!願主保祐阿J!!!

阿J﹐如果想甩難,send條link 比佢不失為一個辦法.....