禁忌

中國可以話係一個充滿禁忌o既國家。。。特別係我呢個catagory-----孕婦.o甘到底係咪全部都係淨係迷信呢﹐好似唔又唔係wor...

禁忌一)三個月未到唔可以同人講,怕個B 會小氣--------齋"體"牌面﹐迷信居多﹐但係我依家又覺得唔係wor...自從講左比人知後。。就每日都比唔同o既資訊轟炸。。。甲叫你唔好XXX,乙叫你一定要YYY,丙叫你間唔中ZZZ,你話o丫﹐頭三個月﹐自己都未適應身體變化....仲要應付o甘多有心人o既報料。。。雖然好感激﹐但真係亂亂o地o架﹐尤其人家第一次嘛...

禁忌二)唔食得羊肉。。。係小妹o既母親大人提供o既。。但我問佢點解佢又答唔出。。。我即時大佢"唔好同我講食羊肉個B 會發羊吊呀﹐我笑你o架",經小妹大膽求證之後﹐終於知道羊肉如果煮得唔夠熟﹐就會有20%機會有弓X 蟲(唔記得個名o添),呢種蟲0係好多生肉都會有﹐只係羊肉特別大機會感染到。呢種蟲有可能引致畸胎或流產。況且羊肉o甘懆。。食得多個B 皮膚都唔好啦。

禁忌三)孕婦唔惦得貓貓,貓貓D尿尿同便便內o既弓X蟲對胎兒有害。。。我o甘鬼鍾意貓﹐當然比任何人更加關心呢個問題啦。。。結果我請教過三個婦產科醫生﹐佢o地都話呢個講法斷章取義。貓之所以會感染弓X蟲﹐係因為食0左生肉﹐如果自己養o既貓貓從來都唔出街﹐又無比生肉佢食﹐感染機會係非常非常低o既。同埋﹐斷估都無人會徒手"拿"落個貓砂盤度"汁"KKo掛。最緊要注意衛生就真。街邊D流浪貓貓就真係唔好惦啦﹐因為唔知佢o地食過乜N惦過乜。

禁忌四)唔好"體"恐怖片同怪獸片﹐會生醜樣BB。。。。。。大佬﹐d DNA 廢o架咩。BB醜樣應該怪自己同老公。。不過呢D戲可能令個媽媽情緒不安就真。

禁忌五)唔好食"滑san san"o既o野﹐會滑胎。。。。又係我娘親供o既但係又食得燕窩同花膠 wor...r 爆頭。。呢兩樣都好滑o者。。。。。

暫時"林"到o甘多先﹐大家仲有無提供呀??要講解埋o架wor!!!

Jan Lamb Show

琴晚終於"體"o左我恨o左好耐o既林海峰是但"up""mou"低噴飯show.....我比八十九分。。因為頭段我係"體" 過錶o既。。。我"體"戲"體"show 都係。。。當個主角吸引唔到我o既attention,我就會"體"錶......(不過都無"體"詹瑞文"體"o甘多次錶)開頭可能未warm up,同埋D timing 無黃子華拿捏得o甘準....未在狀態。。。。。但係入中段開始。。就惦到爆廠。。。由"志雲警局"開始殺到尾。其中扮劉華同TVB 五虎去參政﹐笑爆。。仲有扮時下年輕男女D口頭禪同懶音。。。神似到極!!!真係"超低能﹐勁搞笑"呀

See U all next June!!!

三個月大o既人仔。。。。。舉起手仔。。。想同uncle ,auntie say HI 呀???

打狗?

尋日同波士出席o左呢個集會﹐o真係火到爆廠!!!

經濟有經濟起飛﹐人性有人性墮落。。。。

唔知邊個人頭豬腦0係屎炕"林"出o黎o既屎橋!!!!為o左控制瘋狗症疫情﹐一家只可養一狗﹐所有高過35cm o既狗狗都被人強行帶走(甚至係o係主人唔知情o既情況下!!!!).繼而被亂棍打死。。。有D 就比人賣去狗肉館歛財。。。。。D 農民就得$40 大元做醫療津貼(已經加o左啦﹐原本得$20咋)。。。瘋狗症疫苗就炒賣到過千.....有病無錢醫就話D農民唔正視疫情﹐政府至出手捉狗....呢D歪理都講得出。。。。數以萬計o既狗狗﹐就比呢D不知所謂政策買起o左喇...狗有疫症要死。。。。。o甘人有疫症係咪又照版煮碗呀???我話中國最大o既疫症(死症)就係D 貪官。。。。。o甘係咪要通通拉出o黎亂棍打死佢呢????
成日話要對外開放。。呢班渣滓絕對係中國富強o既超級絆腳石。。。。做埋D o甘不人道o既事﹐係咪比位人入o丫!!!!!!


打狗?我好鬼死贊成o架!!!!!不過唔係呢班賠上性命o既狗狗﹐而係打倒果班貪得無厭o既PK狗官!!!!!!!