快樂的痛楚
過多個令月﹐就要同呢種母子同體的日子告別。。。以後就算BB 痴我﹐都係另一回事。。。心情真係幾覆雜。。。一方面覺得:終於唔洗做"企鵝"(我真係覺得自己依家好鬼似一只King Penguin... Ha Ha Ha)想快的搵返唔見左幾個月o既腰同肚臍。。。。。又就o黎見到BB ﹐好開心!!!另一方面又有的緊張。始終係第一次做媽咪﹐有好多未知數...
其實我唔係特別大膽﹐但係我都盡量想順產。明知道將要面對不能言喻o既痛﹐係撕裂心肺o既痛﹐不過我真係唔係好驚(可能未識驚掛)。既然o甘多媽媽都可以做到﹐我無理由唔得o架。。。加上依家醫學o甘進步﹐o甘多止痛方法。。。。痛o下o者﹐又唔係死o既。。。。
不過我知道波士好擔心﹐由佢知道做爸爸開始。一直嘗試說服我開刀﹐說足o甘多個月。。。我明白佢唔想我辛苦﹐但係我"體"o甘多reports 同case studies,無一個可以令我改變主意.無錯﹐順產o既過程會比較辛苦﹐但係呢個過程同時亦都start up BB 好多身體機能上o既運作。。。係一個kick off signal....如果痛幾個鐘對BB 有好處﹐我好樂意去痛o下。而且自己復完都快的。。。我身體一向一般﹐無謂無端端捱一刀o丫......
posted by vi @ 15:26
10 Comments:
To: 罗兹威尔family
好紧张啊!一齐吸气,呼气...
如果突然话要生,记住生完send message比我!
初为人母,加油啊,Vicole. 出力!
Ms. Yeung
我會努力變火柴人o架喇!!!!你得閑就o黎幫我湊b 啦。。。
我会o黎性骚扰阿b个pat pat.
I love bb pat pat.
Ms. Yeung
喂, 畢小姐 (係咪好耐冇人咁樣叫你呢), 生得記得打俾我呢個契媽呀.
無論你開刀定係順產, 我都會支持你架, 如果你真係好痛, 就諗返和尚的故事啦, yeah
Miss Yuen,
我都知呢個故事係你人生o既轉捩點!!!啟發你呢生人o既思考
係呀, 咁我真係多得你唔小啦.
你呢的天份﹐"琴"都"琴"唔住啦
我都頂得到,你冇奶油c個我既,唔好另我失望呀下, 加油 )))) but if baby仔有成八磅以上, 你都係........硬食一刀把啦, 嘻~嘻~
今日34week 6 day 去check, 個B 有5.7lbs,醫生話應該係七磅幾。。。阿琳幾重呀?好似都係七磅幾wor....希望個面豬有阿琳o甘好肉地啦!!!
套用特首一句：You'll Get the Job Done!!
加油呀! 你一定得ｏ既！
你咁為個BB著想，係一個好偉大ｏ既母親呢！我妹生ｏ左四件，都係順產，
順產好呀！我支持你！
天然ｏ既過程，對你同BB都會係最好o既呢！
Post a Comment
<< Home