我的聖誕節

最鍾意聖誕節。。細個果陣﹐當然係因為有假放啦﹐仲有聖誕大餐同聖誕禮物wor....幾好呀!!!雖然老豆每年都係帶我o地去樓下o既"馬來亞餐廳" 食聖誕大餐。。。(馬來亞好似無聖誕節o架wow)﹐個經理笑果陣D金牙仲閃過D聖誕燈﹐好得人驚。。。。。。但係佢永遠都會送多杯雪糕同多份禮物比我。。。唔通比我定驚???
講到驚﹐有一年老豆同媽咪帶我o地去新世界中心買聖誕禮物。。(留意﹐當年新世界並唔係好似依家o甘流o既﹐當年有海城夜總會﹐唔同中國城wow﹐細路仔都去得o架﹐無大髀摸o架!!!好多明星登臺﹐十足依家做套"東方之珠"o甘。。。。。)當日我D阿哥們買左架BMX,而我就買左個小數民族洋娃娃。。。。。原本仲想去流浮山食蠔﹐點知走果陣突然風雲變色。。。唯有打道回府食翻"馬來亞聖誕大餐",塞車過紅隧果陣。。。個天係超級暗紅色o架,仲好多波子跌落架車度...(果陣唔知果D 係冰雹)心"林:老豆架車會唔會穿o架。。。係咪世界末日呀??我都未同個新洋娃娃改名。。。。。又未玩過架BMX...功課又未做o西。。。o甘點呀...真係好鬼底B...之後大大o下﹐就開始同同學仔去尖東"體" 燈飾。。。仲第一次收花o添﹐不過係D 男同學一切送比我o地o甘多個女仔。。果年仲收到隻有我一半o甘高o幾青瓜俠公仔。。。搞到要個男同學幫我手搬返屋企先﹐先﹐再同D 朋友o係尖東會合....果年之後﹐有好幾個好朋友都去做外國讀書lu.... 到o左大學,就學人搞X‘mas fund-raising Ball...唔係自己賺錢果隻﹐係幫個會籌款。。。大學D Christmas Ball,真係成行成市﹐我o地D 飛仲要成二佰幾蚊張....要突圍﹐唯有打友情牌﹐仲要空堂坐counter sell 飛。。。。。通常d熟與唔熟之間o既男同學都會問"係咪你做我partner 先?"當時為o左sell 飛﹐真係乜人都應承﹐結果我竟然有成唔知三定四個partners...但係其實我係in charge of 當晚o既programme rundown o架嘛﹐便有時間玩o丫。。。講到呢度﹐就要同阿J say sorry 喇。。當年我叫o左佢去﹐又陪唔到佢(雖然好多男同學願意代勞 ),真係唔好意思。。。當晚我對得最耐o既﹐竟然係同我一齊做點唱o既DJ...佢仲贈o左我一句:U can't please everyone!!!...到依家我都受用無窮。。。。。。
後來我衝上雲霄之後﹐o係香港過聖誕o既機會真係少之又少。。。香港聖誕大大話話都過o左十幾二十次﹐況且聖誕有double allowance,不如去逗o下外幣好過啦...o甘多年o黎﹐我試過聖誕o係南非抱老虎BB,o係臺北食鼎泰豐﹐o係大阪食ODAN,o係LONDON 行HARROD'S,o係巴林食中東大餐﹐o係Frankfurt 食豬手包.....仲有好難忘o既一年o係Vancouver...由果年開始﹐我就會忽然間天旋地轉。。。耳水從此 失去平衡。。。我亦知道呢個聖誕﹐有一個我唔認識o既人非常非常憎我.........