彩虹橋的團圓

你又回到伯伯身邊了，你最掛念的伯伯，每當房內傳出咳嗽聲，你總是第一個跑去查看。冬天也最愛依偎在伯伯的腳旁。伯伯去後，你一天一天的消瘦，原以為你會跟隨伯伯，怎料卻是細細先走。你是要留著守護媽媽和姐姐吧！誰也知道你是男子漢大丈夫。可是瘦弱的你似乎也累了。你是一隻出色的貓咪，一直如是！花花，彩虹橋的月亮很皎潔吧？戀戀未忘與你共渡十五載的同時，我彷彿看到你們仨於月下的背影。

給一位堅強的母親

你或許不會看到這篇網誌﹐我只想跟你說﹐G,朗朗雖然跟你緣份短暫﹐但這三個月你給他的愛﹐也許更勝其它相對一生的母子。別再自責﹐朗朗是小天使﹐不過是早點回到他天上的崗位吧﹐將來的事誰也說不準﹐可能你們還有當母子的機會呢.

我的喪禮

dream wedding, dream party 好多人都會有﹐大家有無想過自己o既喪禮?一個屬於自己又完全無say o既典禮。。。非常無奈

有見及此﹐我決定依家寫低我o既夢想喪禮﹐他日歸故土時﹐邊位blog 友好心send 返呢條link 比我的家人﹐等佢地有的reference.

個人勁愛紫色﹐所以靈堂一定要紫色為主﹐千其唔好搵的喃嗼佬返黎叮叮查查﹐重有唔好燒的紙扎野比我﹐如果後來我發現有需要﹐會報夢request.帛金可以捐左佢﹐如果送花圈﹐請送紫或白色。

官木方面﹐我非常唔介意用紙官﹐反正我prefer 火葬。千其唔好土葬我﹐我唔想比蟲蛀到爛o西。仲有﹐我要著返自己的衫﹐no 壽衣pls,化妝方面﹐可唔可以用返我自己的化妝品呢?因為。。。我硬係覺得果的化妝好唔惦。。。如果個樣唔太得人驚﹐唔化好過。。。我又無預備比人瞻仰遺容。。。記住我在生時個樣好過啦。

重有一樣好重要o既野。。。。 如果我身上有任何器官仍然有用﹐唔該幫我捐鬼o西佢。唔好講到話遺愛人間o甘偉大﹐只不過係用得唔好o西。if possible , 比的貓貓陪住我﹐我相信佢地會比我先到彩虹橋。等佢地做我嚮導﹐我咪唔會悶囉

Video

再度重遇你

曾經以為不能解釋的才算"愛",曾經以為要心跳加速才算"愛",曾經。。。。
那天在街角再度遇上你。好像跟以前無什分別﹐變了的﹐應該是我的想法吧!
記得為你流過不少眼淚﹐無數次的希望落空﹐失望﹐盼望﹐再失望,。。。到底那段日子是如何熬過的?我現在真的想不起來.....
和你﹐應該是時間﹐人物﹐地點的極度錯配吧...
本以為再遇你﹐會勾起一點點回憶的漣漪﹐卻只有令我更想念公幹中的他。。。
你令我明白﹐別太迷信自己。。。
我以為你是我的死穴。。。。。原來死穴只存在於武俠小說中。。。。

休息

終於都搬左屋啦!!!
頭頭尾尾都搞左成個月!!!依家總算安頓落黎﹐湊B 個姨姨又放完假。等next weekend 的傢私送齊黎就真係安樂o西啦。。。
之前果個月真係好鬼辛苦﹐要清潔新屋﹐pack 野﹐好彩呢的都有工人姐姐幫到手﹐但搵搬屋公司﹐同最煩既約期同unpack 就無得假手於人lu。。。。。
因為湊b o既工人姨姨要放假返印尼﹐所以就捉返阿仔個陪月姨姨o黎幫手﹐如果唔係﹐我真係死得.
老公同奶奶因為兩個都有trip 出﹐但佢地都o係走之前幫我簡好o西傢私。。。好在咋。。。唔係我分身都唔惦呀!!!
呢幾日我都訓到九點幾至起身﹐爽!!之前日日六點幾七點就比小波士的我起身喇:< !!!
依家我全力食多的﹐休息多的﹐谷肥細BB!!!

團圓

農曆八月十五的早上﹐把剛醒來的小波士交給姨姨﹐再尋夢去。

終於見到他﹐七個月的等待﹐他確是珊珊來遲。

烏亮的頭髮﹐黝黑的皮膚﹐他真的再度年青﹐我見到的﹐是二十多年前老爸的摸樣。。。

他笑得很開懷﹐黃黃的煙油牙一顆也沒缺...

" 看到你和康哥現在﹐我真的很放心"

最初還沒意識到什麼﹐ 當我意識到想抱抱他的時候﹐忽然就醒了。。。

醒來面上留著一行淚。。。

雖然短暫﹐總算團圓...