主動=發姣???
同我同年代o既女仔﹐或多或少都會覺得女仔不能太主動﹐就算遇到自己o既DREAM GUY,都不能輕舉妄動﹐否則情竇初開就會慘變發姣發"凳"。。。其實個"姣"字都唔知幾時開始便o左做貶義。。。"姣"明明係有"美好","美麗"o既意思o架嘛。。。。。。"樣貌姣好"。但係我又真係唔敢當面話個女仔"姣好"WOW。因為佢九乘九點九九九係只聽到個"姣"字。。。o甘就手尾長。。。
其實。。。主動小小表現自己o既優點同表達自己o既想法﹐並唔係o甘罪大惡極o者。。。。所謂主動﹐又唔係話見到男人就飛撲埋去熊抱人o地。。。如果對方對你係無意思0既﹐相信你做乜人家都會當時運高﹐見唔到啦。。。
眼見身邊有D朋友﹐都係因為"女仔不能主動" 而令對方進退失兩難。。。蘇州過後先後悔莫及。。。千萬唔好因為太過被動而落得"扮上菜"o既惡名。。。
posted by vi @ 18:36
2 Comments:
唔係扮上菜呀，真係有好多姐妹都仲係手仔都未拖過．．．又或者，見到ｏ既殘男人多過好男人，又或者，單身貴族耐ｏ左，已經唔係好識表達自己．．．醒幾招過來好喎．．．我都要增加功力至得
嘩!!細Vi 你呢o的荀盤﹐買少見少啦!!未替你擔心過呀!!!
其實都係果句:順其自然囉。。"arm"傾不妨爹多兩句﹐唔"arm"傾咪"Hi & Bye"囉。有o的女士好sensitive,個男仔行埋少少都好似驚人吞佢落肚o甘。。。做個朋友先都無妨者。。。無人話一開始就同人交心o架嘛...係咪??可能我多嘴啦﹐同人chit chat 又係我工作既一部份﹐吹水之嘛。
不過我絕對認同你既講法:賤人﹐真係一街都係。但係我想信總有o的珍珠比禾稈"衾"住既。。。
Post a Comment
<< Home